orat s shadi

*شادی کے بعد دنیا کی دوسری عورتیں خوبصورت کیوں لگتی ہیں؟*

ایک شخص ایک تجربہ کار عالمِ دین سے اپنا مسئلہ دریافت کرتے ہوئے کہنے لگا کہ شروع شروع میں جب میری بیوی مجھے پسند آئی تھی تو اس وقت وہ میری نگاہ میں ایسی تھی جیسے اللہ تعالی نے اس دنیا کے اندر اس جیسا کسی کو بنایا ہی نہیں.

پھر جب میں نے اسے شادی کا پیغام دیا تو اس وقت میری نگاہ میں اس جیسی کئی ساری لڑکیاں تھیں اور جب میں نے اس سے شادی کر لی تو اس وقت اس سے زیادہ خوبصورت خوبصورت کئی لڑکیاں میری نظر سے گزریں.

شادی کے چند سال گزرنے کے بعد مجھے ایسا لگنے لگا کہ دنیا کی تمام عورتیں میری بیوی سے زیادہ خوبصورت ہیں.

شیخ نے کہا کہ کیا میں تمہیں اس سے بھی زیادہ عجیب اور غریب چیز نہ بتاؤں؟

اس آدمی نے جواب دیا کہ ہاں کیوں نہیں.

حضرت نے کہا کہ اگر تم دنیا کی ساری عورتوں سے شادی کر لو پھر بھی تمہیں ایسا لگے گا کہ گلی کوچوں میں پھرنے والے آوارہ کتے دنیا کی تمام عورتوں سے زیادہ خوبصورت ہیں.

آدمی ہلکی سی مسکراہٹ کے ساتھ کہنے لگا کہ حضرت آپ ایسا کیوں کہہ رہے ہیں؟

حضرت نے جواب دیا کہ اصل پریشانی تمہاری بیوی میں نہیں بلکہ اصل پریشانی یہ ہے کہ جب انسان کا دل لالچی ہو جائے، اس کی نگاہیں ادھر ادھر بھٹکنے لگیں اور انسان شرم و حیا سے عاری ہو جائے تو قبر کی مٹی کے سوا اور کوئی بھی چیز اس کی آنکھوں کو نہیں بھر سکتی.

سنو تمہاری پریشانی یہ ہے کہ تم نگاہیں نیچے نہیں رکھ سکتے. کیا تم اپنی بیوی کو دوبارہ دنیا کی سب سے زیادہ خوبصورت عورت بنانا چاہتے ہو؟

اس آدمی نے جواب دیا کہ جی ہاں.

حضرت نے کہا کہ پھر تم اپنی نگاہیں نیچی رکھو.

دوستوں چلتے، چلتے ہمیشہ کی طرح وہ ہی ایک آخری بات عرض کرتا چلوں کہ اگر کبھی کوئی ویڈیو، قول، واقعہ، کہانی یا تحریر وغیرہ اچھی لگا کرے تو مطالعہ کے بعد مزید تھوڑی سی زحمت فرما کر اپنے دوستوں اور عزیزوں سے بھی شیئر کر لیا کیجیئے. یقین کیجیئے کہ اس میں آپ کا بمشکل ایک لمحہ صرف ہو گا لیکن ہو سکتا ہے اس ایک لمحہ کی اٹھائی ہوئی تکلیف سے آپ کی شیئر کردہ تحریر لوگوں کے لیئے سبق آموز ثابت ہو.